Yoshlar ittifoqi O‘zbekistondagi eng yaxshi 2 kitobxonga Spark sovg‘a qiladi
O‘zbekiston Respublikasi Prezidentining qaroriga muvofiq, Yoshlar ittifoqi tomonidan “Yosh kitobxon” tanlovi tashkil etildi. Bu haqda ittifoq raisi Qahramon Quronboyevning Facebook’dagi sahifasida ma’lum qilindi.
“Tanlovni o‘tkazishdan asosiy maqsad – bolalar va yoshlar o‘rtasida kitob mutolaasi va kitobxonlik madaniyatini oshirish, ularning intellektual salohiyati va ma’naviy saviyasini yuksaltirishdan iborat. Minglab yoshlar bilimlarini sinash uchun o‘z hujjatlarini topshirdi”, — deyiladi xabarda.
Joriy yilning 13—16-fevral kunlari tanlovning respublika bosqichi bo‘lib o‘tadi. G‘oliblar quyidagi sovrinlar kutmoqda:
1-o‘rin: “Prezident sovg‘asi” - Spark avtomashinasi;
2-o‘rin: kompyuter jamlanmasi (monoblok) va printer (1x3);
3-o‘rin: kitoblar to‘plami (200 dona).
Manba: Daryo.uz