Ingushetiya rahbarining jiyani o‘z uyidan o‘lik holda topildi

Ingushetiyada respublika rahbari Yunus-Bek Yevkurovning jiyani Hasan Yevkurov o‘lik holda topildi. Bu haqda 7-fevral, chorshanba kuni “360” telekanaliga huquqni muhofaza qilish organlaridagi manbasi ma’lum qildi.

Hasan Yevkurov 6-fevral, seshanba kuni o‘z uyida boshidan o‘q yegan holda topilgan. Jasad yonidan ov miltig‘i topilgan. Dastlabki taxminga ko‘ra, u o‘z joniga qasd qilgan.

U qurolni tozalash davomida tasodifan o‘ziga jarohat yetkazganligi taxmin qilinmoqda.

Hasan Yevkurov Ingushetiya rahbari katta akasining o‘g‘li edi. Yigit yuqori mansabdor qarindoshining qo‘riqlov xizmatida, keyin esa Nazran chekka qismidagi 58-polkda ishlagan.