Hindistonda gaz portlashi oqibatida 18 kishi halok bo‘ldi

Hindistonning shimoli-g‘arbiy qismida to‘y chog‘ida gaz ballonining portlashi oqibatida 18 kishi halok bo‘ldi. Bu haqda “RIA Novosti” xabar bermoqda.

Voqea 16-fevral kuni Rajastxan shtatining Beavar shahrida ro‘y berdi.

Gaz ballonining portlashi oqibatida to‘y marosimi o‘tayotgan bino quladi.

Qutqaruvchilar o‘sha paytning o‘zida to‘qqiz kishining tanasini vayronalar ostidan chiqarib oldi. 18-fevral kuni yana to‘qqiz jasad topildi.

Shuningdek, voqea natijasida 18 kishi jarohat oldi. Shulardan olti nafari hozirgacha shifoxonadan chiqdi, besh nafarining ahvoli juda og‘ir deb baholanmoqda.