OAV: Suriya shimoli-sharqida sodir bo‘lgan terakt oqibatida besh kishi halok bo‘ldi

Suriya shimoli-sharqida amalga oshirilgan terakt oqibatida kamida besh kishi halok bo‘ldi. Bu haqda SANA agentligiga tayanib, “TASS” xabar berdi.

Ma’lumotlarga ko‘ra, minalashtirilgan avtomobil Turkiya chegasida joylashgan Qamishli shahri hududida portlatib yuborilgan. Yetti kishi jarohat olgan. Jarohat olganlarning bir nechtasi shifoxonaga yetkazilgan, ularning ahvoli og‘ir.

Qamishli Damashq shahridan 720 kilometr uzoqlikda joylashgan bo‘lib, Suriya kurdlarining norasmiy poytaxti hisoblanadi.