IShID jangarilaridan to‘liq ozod etilgani bildirilgan Al-Bob shahri yaqinidagi terakt oqibatida 48 kishi halok bo‘ldi

Suriyaning Al-Bob shahri shimoli-g‘arbida sodir etilgan terakt oqibatida 48 kishi halok bo‘ldi. Bu haqda Sky News Arabia telekanaliga tayanib, “TASS” xabar bermoqda. 

Al Jazeera manbalariga ko‘ra, terrorchi-xudkush 24-fevral, juma kuni o‘zini avtomobilda portlatib yuborgan.

Terakt Suriya ozodlik armiyasi jangchilariga qaratilgani bildirilmoqda. 

Eslatib o‘tamiz, oldinroq mazkur tuzilma rasmiy vakili Al-Bob shahri IShID jangarilaridan to‘liq ozod etilganini ma’lum qilgandi. 

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.