AQSh Prezidentlar kunini nishonlamoqda

Qo‘shma Shtatlar 19-fevral, dushanba kuni davlat bayramlaridan biri — Prezidentlar kunini an’anaviy tarzda nishonlaydi, deb yozadi “TASS”.

Boshqa bayram kunlaridan farqli ravishda bu bayramda salyutlar ham, paradlar ham bo‘lmaydi.

Dastlab bu kun birinchi davlat rahbari — Jorj Vashingtonning tug‘ilgan kuniga belgilangan edi. U 1732-yilning 22-fevralida dunyoga kelgan. Biroq 1809-yilning 12-fevralida mamlakatning 16-prezidenti Avraam Linkoln ham dunyoga kelganligi uchun mazkur bayramni yuqoridagi ikki sananing o‘rtalarida — fevralning uchinchi dushanbasida nishonlashga qaror qilingan.