AQSh Rossiyaga qarshilik qilish maqsadida Qora dengizdagi harbiy hozirlikni oshirmoqda

Qo‘shma Shtatlar Qora dengizdagi harbiy hozirlikni oshirmoqda va buni Rossiyaning mintaqadagi faolligi oshishiga zarur javob chorasi deb hisoblamoqda. Bu haqda 19-fevral kuni CNN telekanali ma’lum qildi, deb yozadi “TASS”.

17-fevral, shanba kuni AQSh Harbiy-dengiz kuchlari esminetsi Carney Qora dengizga kirdi va u yerda hozir bo‘lgan Amerika harbiy kemasiga qo‘shildi.

AQSh Harbiy-dengiz kuchlari 6-floti qo‘mondoni vitse-admiral Kristofer Gredi Qora dengizga bir yo‘la ikki kemani yuborish biror narsaga javob qaytarish emas, avvaldan qabul qilingan qaror ekanligini ma’lum qildi.