Qoraqalpog‘istonning Chimboy tumaniga 10,5 million dollarlik investitsiya jalb qilinadi

Qoraqalpog‘iston respublikasi Chimboy tumanida joriy yilda investitsiya dasturini amalga oshirish doirasida 483 fermer xo‘jaligida 95 gektar maydonga qizil qalampir, 2 ming 935 gektarga qizilmiya ekish rejalashtirilgan, deb xabar beradi O‘zA.

Tuman hokimining birinchi o‘rinbosari K.Abdullayevning ma’lum qilishicha, 2018—2019-yillarda hududga 10 million 500 ming dollarlik investitsiya jalb etish rejalashtirilgan bo‘lib, bu 600 ga yaqin ish o‘rni yaratish imkonini beradi.

Jumladan, aholiga xizmat ko‘rsatish sohasini rivojlantirish uchun 1 million 500 ming, qishloq xo‘jaligi uchun 4 million 875 ming, chorvachilikka 1 million 522 ming, baliqchilik rivojiga 763 ming va boshqa sohalarga 2 million 590 ming dollar miqdorida investitsiya kiritilishi ko‘zda tutilgan.