Bo‘kada salkam 4 kg marixuanani qovurayotgan tengdoshlar qo‘lga olindi

Toshkent viloyatida bir guruh shaxslar katta miqdordagi marixuana bilan qo‘lga olindi. Bu haqda IIV jamoatchilik va OAV bilan aloqalar boshqarmasi ma’lum qildi.

21-fevral, chorshanba kuni Bo‘ka shahri, Bunyodkor mahallasi, Yakkatut ko‘chasidagi joylashgan qurilishi tugallanmagan uyda 1983-yilda tug‘ilgan B. Ibragimov, uning tengdoshlari — F.Asraqulov va F.Nishonov ushlandi. Uchovlon 3,7 kilogramm marixuanani qovurayotgani ma’lum bo‘ldi.

Hozirda holat yuzasidan surishtiruv ishlari olib borilmoqda.