Boku narkologik markazida yuzaga kelgan yong‘in oqibatida 25 kishi halok bo‘ldi

Boku Respublika narkologik dispanserida yuz bergan yong‘in oqibatida 25 kishi halok bo‘ldi. Bu haqda Ozarbayjonning APA agentligi hamda Sud-tibbiyot ekspertizasi va patologik anatomiya birlashmasiga tayanib, Meduza xabar bermoqda.

O‘z navbatida, “Interfaks” Ozarbayjon IIV va Bosh prokuraturasi Boku narkodispanseridagi yong‘in oqibatida 25 kishi halok bo‘lganini tasdiqladi.

APA esa to‘rt kishi jabrlanganligi haqida xabar bermoqda.

Yong‘in Boku Respublika narkologik dispanseri korpuslaridan birida mahalliy vaqt bilan 06:00 da boshlangan. Dastlabki ma’lumotlarga ko‘ra, yong‘in chiqqan binoda yotadigan bemorlar bo‘lgan. Ular binoni tark eta olmagan.