Polshada 4 qavatli uy gaz portlashi oqibatida qulab tushdi. 4 kishi halok bo‘ldi

Polshaning Poznan shahrida gaz portlashi va shundan so‘ng 4 qavatli uy qulab tushishi oqibatida 4 kishi halok bo‘ldi, 20 dan ortiq kishi yaralandi. Bu haqda “RIA Novosti” xabar bermoqda.

Jarohatlanganlardan 3 nafarining holati og‘ir ekanligi bildirilmoqda. Ular orasida bola ham bor.

Hodisa joyida qutqaruv ishlari olib borilib, tirik qolganlar qidirilmoqda.

Shahar rasmiylari mazkur uyda yashovchi yordam talab qilinmaydigan fuqarolarni yaqin atrofdagi mehmonxonaga joylashtirdi.