Kiyevda prezident Poroshenko korteji o‘tkinchini urib yubordi

6-mart kuni Kiyev shahrida Ukraina prezidenti Pyotr Poroshenkoning korteji o‘tkinchi erkakni urib yubordi. Bu haqda EADaily xabar bermoqda.

Aytilishicha, YTH sodir etgan avtomobil voqea joyida qolgan, prezident kortejining qolgan mashinalari esa yo‘lida davom etgan.

Keksa erkak jiddiy jarohat olganiga qaramay, o‘rnidan turgan va yo‘l chetiga o‘tirgan. Mashina kapotida YTH tufayli chuqurcha hosil bo‘lgan.

Tibbiyot xodimlari erkakni shifoxonaga olib ketgan. Ularning ishontirishicha, jabrlanuvchining hayoti xavf ostida emas.