Kriptovalyuta yangi moliyaviy inqirozni keltirib chiqarishi mumkin

Kriptovalyutani tartibga soluvchi normalarni ishlab chiqish zarur. Aks holda moliyaviy inqiroz yuz berishi mumkin. Sharqiy London universiteti o‘qituvchisi Iva Salami shunday xulosaga keldi, deb yozmoqda “TASS”.

Ekspertning aytishicha, 2009-yilda o‘ylab topilgan kriptovalyuta, masalan, bitkoin shu vaqtgacha birorta qonunchilikka kiritilmagan, shuning uchun bunday elektron pullarni valyuta, qimmatli qog‘oz, tovar yoki xizmat deb atab bo‘lmaydi.

Kriptovalyuta pul sifatida ishlashi uchun jamg‘arma vazifasini bajarishi, ya’ni o‘z xarid qobiliyatini saqlab qolishi kerak. Qiymati tez o‘zgarayotgan bitkoin esa bu talabga javob bermaydi.