Toshkentdagi ichki ishlar tayanch punktlari kechki 01:00 gacha faoliyat yuritishi belgilandi

IIBB rahbariyati ko‘rsatmasi bilan Toshkent shahridagi barcha 453 ta tayanch punkti ertalabki soat 8:00dan kechki 01:00 gacha faoliyat yuritishi belgilandi. Bu haqda IIBB matbuot xizmati ma’lum qildi.

Tayanch punktlarida fuqarolar profilaktika inspektorlari yoki ular yo‘qligida mahalla faollari tomonidan qabul qilinadi.

Tumanlardagi muvofiqlashtirish boshqarmalari hamda joylardagi ichki ishlar bo‘limlarida sutka mobaynida ish tashkil etilgan. Tayanch punktlari faoliyati bo‘yicha taklif yoki shikoyat bo‘lgan taqdirda 1102 yoki 102 qisqa raqamlariga qo‘ng‘iroq qilish mumkin.