Meksikada vertolyot gaz tashuvchi avtomobil ustiga quladi

Meksikaning Mexiko shtatida 8-mart kuni shaxsiy vertolyot gaz tashuvchi avtomobil ustiga quladi. Bu haqda “TASS” xabar bermoqda.

Shtat mansabdor shaxslarining ma’lum qilishicha, portlashning oldi olingan. Hodisa oqibatida kamida besh kishi halok bo‘lgan.

“Yoqilg‘i sizib chiqishi nazorat ostiga olindi. Hodisa joyida politsiya va harbiy xizmatchilar ish olib bormoqda”, — deyiladi xabarda.

Jabrlanganlarga tez tibbiy yordam ko‘rsatilgan. Hodisa sabablari hozircha noma’lum.