“Paxtakor” so‘nggi daqiqada penalti urolmadi va poytaxt derbisida Mirjalol Qosimov “Bunyodkor”i zafar quchdi (video)

Futbol bo‘yicha O‘zbekiston Superligasining 2-tur markaziy o‘yinida “Bunyodkor” hamshahri “Paxtakor ustidan zafar quchdi.

Bellashuvdagi yagona gol 79-daqiqada himoyachi Rustam Ashurmatov tomonidan urildi. “Paxtakor” jamoasi vakillari bunga javob qaytara olmadi.

Bellashuvning so‘nggi daqiqasida “Bunyodkor” futbolchisi to‘pni jarima maydonchasi ichida qo‘li bilan o‘ynadi va uchrashuv hakami Sherzod Qosimov “qaldirg‘ochlar” darvozasi tomon penalti belgiladi. 11 metrlik nuqtaga Jasur Hakimov yaqinlashdi. Biroq uning zarbasini “Bunyodkor” posboni Murod Zuxurov qaytarishga muvaffaq bo‘ldi.

“Paxtakor” Superligani “So‘g‘diyona”ni taslim etish bilan boshlagandi. “Bunyodkor” esa o‘z maydonida AGMK bilan durang o‘ynagandi — 1:1.

O‘zbekiston Superligasi

2-tur bellashuvlari

10-mart, shanba

Gol: Rustam Ashurmatov, 79 (1:0).

Noaniq penalti: Jasur Hakimov, 92+ (P).

“So‘g‘diyona” — “Neftchi” 20:00