Yevroittifoq Rossiyaga qarshi sanksiyalarni yana yarim yilga uzaytirdi

Yevroittifoq Rossiyaning 150 nafar fuqarosi va 38 kompaniyasiga qarshi sanksiyalarni yana yarim yilga uzaytirdi. Bu haqda Yevroittifoq kengashi saytida ma’lum qilindi, deya xabar beradi “Gazeta.ru”.

“2018-yil 12-mart kuni kengash Ukraina suvereniteti, hududiy yaxlitligi va mustaqilligiga tahdid qiluvchi harakatlarga nisbatan cheklovlarni yana 6 oyga, 2018-yil 15 sentyabrgacha uzaytirdi”, — deyiladi bayonotda.

Mazkur choralar aktivlarni muzlatish va Yevroittifoqqa kirishni man etishdan iborat ekanligi bildirilmoqda.