Toshkent shahrida profilaktika inspektorlari “Qichqiriq” kanalida cho‘kayotgan yigitni qutqardi

Olmazor tumanidagi 17-sonli Ichki ishlar bo‘limi profilaktika inspektorlari mayor O. Nurjonov va leytenant J. Abdulboqiyev “Qichqiriq” kanalida cho‘kayotgan yigitni ko‘rib qoldi. Bu haqda IIBB matbuot xizmati ma’lum qildi.

Leytenant J. Abdulboqiyev o‘ylab o‘tirmasdan suvga tushib, cho‘kayotgan shaxsni qutqardi va  sohilga olib chiqdi.

Unga birinchi tibbiy yordam ko‘rsatilib, qisqa muddatda yetib kelgan tez tibbiy yordam xodimlariga topshirildi.