Sergelida ikki nafar farzandi xonadon ichkarisida qulflanib qolgan ayolga yordam ko‘rsatildi

Joriy  yilning 14 mart kuni soat 8:47 da Toshkent shahri Sergeli tumani “Sputnik-16” mavzesida istiqomat qiluvchi fuqaro N.Toxirova ikki nafar farzandi xonadon ichkarisida qulflanib qolganligi to‘g‘risida yordam so‘rab murojaat qilgan, deb xabar berdi Favqulodda vaziyatlar vazirligi matbuot xizmati.

Mazkur holat yuzasidan Tez harakat qilish respublika ko‘p tarmoqli markazi navbatchi qutqaruvchilari voqea joyiga zudlik bilan yetib borgan. Shundan so‘ng ular maxsus asbob-anjomlar yordamida eshikni ochib ichkariga kirishgan va go‘daklarni uydan olib chiqib, onasining qo‘liga sog‘-salomat topshirgan.