“Atletiko”dan Xitoyga ko‘chib o‘tgan Nikolas Gaytan o‘yin vaqtida hushidan ketdi (video)

“Dalyan Ifan”ning argentinalik yarim himoyachisi Nikolas Gaytan Xitoy chempionatida “Beyszin Goan”ga qarshi o‘yin vaqtida (0:3) hushidan ketdi, deb yozmoqda “Championat.com”

Gaytanga birinchilardan bo‘lib, jamoadoshi Yannik Ferreyra-Karrasko yordamga keldi, u maydonga shifokorlar chiqqunicha Gaytanga sun’iy nafas bergan.

Karrasko 2018-yilning qishki transferlari vaqtida Gaytan bilan “Atletiko”dan “Dalyan”ga yo‘l olgan edi. 30 yoshli futbolchi hozirda shifokorlar nazoratida qolmoqda.

Gaytan va Karrasko bilan “Dalyan Ifan” oxirgi uch o‘yinda umumiy 0:13 hisobidagi mag‘lubiyatni qabul qildi.