Yevropa ligasi. “Atletiko Madrid” Vitaliy Denisov jamoasini Moskvada ham yirik hisobda taslim qildi

Dastlabki bahsda 0:3 hisobida imkoniyatni boy bergan temiryo‘lchilar o‘z maydonida o‘tgan o‘yinda 1:5 hisobidagi mag‘lubiyatni ham qabul qilib oldi va o‘z yurishini 1/8 bosqichida tugatdi. Mezbonlar tarkibida o‘zbekistonlik himoyachi Vitaliy Denisov o‘yinni to‘liq o‘tkazdi.

Ikki uchrashuv natijasiga ko‘ra 8:1 hisobida g‘olib chiqqan “Atletiko” chorak finalga yo‘l oldi.

Yevropa Ligasi

1/8 final javob uchrashuvlari

15-mart, payshanba

Gollar: 0:1 – 16 Anxel Korrea, 1:1 – 20 Matsey Ribus, 1:2 – 47 Saul Niges, 1:3 – 65, penalti Fernando Torres, 1:4 – 70 Fernando Torres, 1:5 – 85 Antuan Grizmann.