Xorazmda 20 yashar qiz chaqalog‘ini paketga solib, uyiga yashirib qo‘ygani aniqlandi

Xorazm viloyatining Yangibozor tumanida yashovchi, 1997-yilda tug‘ilgan P.B. 2018 yil 17-fevral kuni tug‘ishdan keyingi asoratlar bilan tuman kasalxonasiga yotqizildi. Bu haqda IIV jamoatchilik va OAV bilan aloqalar boshqarmasi ma’lum qildi.

Olib borilgan surishtiruv ishlari natijasida 15-fevral kuni P.B. uyida qiz chaqaloq tuqqanligi va chaqaloqni paketga solib, uyiga yashirib qo‘yganligi aniqlandi.

O‘tkazilgan sud-tibbiy ekspertizasi natijasida chaqaloq tirik holda tug‘ilgani, unga yengil jarohat yetkazilgani va yopiq muhitdan kelib chiqqan mexanik asfiksiyadan o‘lgani aniqlandi.

Mazkur holat yuzasidan tergov harakatlari olib borilmoqda.