Fransiyaning sobiq prezidenti Nikolya Sarkoziga ayblov e’lon qilindi

Fransiyaning sobiq prezidenti Nikolya Sarkoziga 2007-yili saylovoldi kompaniyasini noqonuniy moliyalashtirganlik ishi bo‘yicha ayblov e’lon qilindi. Bu haqda Euronews xabar bermoqda.

Ayblov “Passiv korrupsiya” (pora olish), “Saylovoldi kompaniyasini noqonuniy moliyalashtirish” va “Davlat mablag‘larini nolegal olish va egalik qilish” (Liviya nazarda tutilmoqda) moddalari bo‘yicha ilgari surildi.

Korrupsiya, moliyaviy va soliq qonun buzilishlariga qarshi kurash markaziy boshqarmasida 26 soat davom etgan so‘roqdan so‘ng sobiq prezident 21-mart kuni uyiga qo‘yib yuborildi.

Sarkozi sud nazorati ostida bo‘ladi, biroq unga nisbatan nazoratning aynan qanday usullari qo‘llanishiga aniqlik kiritilmadi.