Karles Puchdemon Germaniyada hibsga olindi

Ispaniyadagi Kataloniya muxtoriyatining sobiq rahbari Karles Puchdemon Daniyadan Germaniyaga kirganida hibsga olindi. Bu haqda uning advokati Jaume Alonso-Kuevillyas bayonot berdi, deb xabar qiladi “Korrespondent.net”.

Advokatning so‘zlariga qaraganda, Puchdemon Finlyandiyadan Belgiyaga ketayotgan chog‘da Daniya – Germaniya chegarasini kesib o‘tgan edi. Hozir u politsiya uchastkasida tutib turilibdi.

Germaniyaning Kil shahri politsiyasi Kataloniyaning sobiq rahbari ushlanganini tasdiqladi.