Farg‘onada aka ukaning qotiliga aylandi

Farg‘ona viloyatining shu nomli tumanida 24-mart kuni aka ukaning qotiliga aylandi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni soat 09:30 atrofida tumanning Navro‘z mahallasi, Yangihayot ko‘chasida yashovchi, 1973-yilda tug‘ilgan Ahtamjon To‘lashev shu mahallaning Sohibkor ko‘chasida yashagan ukasi, 1980-yilda tug‘ilgan Adhamjon To‘lashevning uyida o‘zaro janjal oqibatida qorin va ko‘krak qismlariga urib-tepib, jarohat yetkazdi.

Adhamjon To‘lashev kasalxonaga yotqizildi, biroq ko‘rsatilgan tibbiy muolajalarga qaramay, vafot etdi. Ko‘rilgan choralar natijasida Ahtamjon To‘lashev qo‘lga olindi.

Qayd etish joizki, aka-uka ham muqaddam sudlangandi.