Jizzaxda xorazmlik mehmon tanish ayolga pichoq urdi

Jizzax viloyatining Zafarobod tumanida 28-mart kuni Xorazmdan kelgan mehmon jinoyatga qo‘l urdi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni soat 15:00 atrofida Hazorasp tumani, “Beshtepa” mahallasida yashovchi A. Matyakubov “Pistalikent” SHFYda yashovchi tanishi, 1980-yilda tug‘ilgan N. Xo‘janazarova bilan uning uyida janjallashib qoldi. Mojaro davomida o‘zini tutolmay, ayolga pichoq urib, jarohat yetkazdi.

N. Xo‘janazarova kasalxonaga yotqizildi. A. Matyakubov esa qo‘lga olindi.