BMT bosh kotibi G‘azo sektorida halok bo‘lganlar yuzasidan surishtiruv o‘tkazishga chaqirdi

BMT bosh kotibi Antoniu Guterrish G‘azo sektoridagi to‘qnashuv oqibatida halok bo‘lgan odamlar yuzasidan mustaqil tekshiruv o‘tkazishga chaqirdi. Bu haqda Reuters agentligiga tayanib, “Gazeta.ru” xabar berdi.

“Shuningdek, u mazkur mojaroga aloqador bo‘lgan barchani qurbonlar soni yanada ko‘paymasligi uchun hech qanday harakatlarni amalga oshirmaslikka chaqirmoqda”, — deydi bosh kotibning vakili Farxan Xak.

Eslatib o‘tamiz, Isroil va G‘azo sektori chegarasida sodir bo‘lgan to‘qnashuv oqibatida 14 kishi halok bo‘lgandi.