Namanganda cho‘kayotgan qizni qutqarishga uringan 21 yashar yigit halok bo‘ldi

Namangan viloyatining Uchqo‘rg‘on tumanida 29-mart kuni soat 17:00 atrofida 1999-yilda tug‘ilgan M.Rahimjonova ehtiyotsizlik tufayli “Shimoliy Farg‘ona” kanaliga tushib ketdi. Bu haqda IIV jamoatchilik va OAV bilan aloqalar boshqarmasi xabar berdi.

Qiz oqib ketayotganda shu yerdan o‘tib ketayotgan Uychi tumani, “Ziyokor” mahallasida yashagan, 1997-yilda tug‘ilgan S. Isomxo‘jayev o‘zini suvga otadi.

M.Rahimjonova qutqarib qolinib, kasalxonaga yotqizildi. Biroq yigit suvda cho‘kib, halok bo‘ldi.