Gvatemalaning sobiq diktatori Efrain Rios Montt vafot etdi

Gvatemalaning sobiq diktatori Efrain Rios Montt 92 yoshida vafot etdi. Bu haqda Reuters agentligi xabar berdi, deb yozadi “Kommersant”.

U genotsid va 1982—1983-yillarda 1,7 ming hinduni o‘ldirishga aloqadorlikda ayblangan edi. 2015-yilda unga shifokorlar aralash turdagi qon-tomirlar buzilishi tashxisini qo‘ydi. Shifokorlar, shuningdek, sobiq diktator ko‘rish, eshitish bilan bog‘liq muammolarga ega ekanligi va yurak og‘rig‘idan aziyat chekishini aniqladi.

Bunga qadar Montt genotsid ishi bo‘yicha yangi sud jarayoni uchun layoqatsiz deb topildi. Sudning mazkur qarori ikki yil avval sudning xatosi tufayli genotsid bo‘yicha ayblov undan olib tashlangandan so‘ng chiqarildi.