Ostona va Samarqand orasida temiryo‘l qatnovi yo‘lga qo‘yildi

Aprel oyidan boshlab Ostona va Samarqand orasida temiryo‘l qatnovi yo‘lga qo‘yildi. Poyezdlar haftasiga bir marotaba qatnaydi, deb xabar beradi “Sputnik”.

Ostonadan Samarqandgacha bo‘lgan 2000 kilometrdan ortiq masofani poyezd 37 soatda bosib o‘tadi. Chiptalar narxi 468 mingdan 1 million 300 ming so‘mgacha bo‘ladi.

Ikki mamlakat shaharlarini to‘g‘ridan-to‘g‘ri bog‘lab turuvchi yangi yo‘nalish Qozog‘istondan O‘zbekistonga bo‘lgan sayyohlar oqimini oshirishga xizmat qilishi kerak.

Eslatib o‘tamiz, o‘tgan yilining mart oyida “Toshkent – Olmaota” yo‘nalishida poyezdlar qatnovi yo‘lga qo‘yilgan edi.

Poyezd jadvali, chiptalar narxi bilan quyidagi infografikada tanishish mumkin.