Vladimir Putin Anqarada Erdo‘g‘on bilan uchrashdi va “Oqquyu” AES qurilishiga start berdi

Rossiya prezidenti Vladimir Putin ikki kunlik tashrif bilan Turkiyaga tashrif buyurdi. Bu haqda EADaily xabar bermoqda.

Tashrif rasmiy kutib olish marosimi bilan boshladi. Shundan so‘ng Putin Turkiya prezidenti Rajab Toyyib Erdo‘g‘on bilan uchrashdi.

Uchrashuv asnosida ikki prezident videokonferensiya formatida “Oqquyu” AES qurilishiga start berdi.

Loyiha ikki davlat korxonalari va mutaxassislari ishtirokida amalga oshirilmoqda.

Loyihaning ochilish marosimida chiqish qilgan Putin AES ilg‘or muhandislik texnologiyalari hamda qat’iy ekologik standartlar bo‘yicha qurilishiga urg‘u berib o‘tdi.

“Xavfsizlikning eng yuqori standartlari va eng qat’iy ekologik talablarga rioya etiladi”, — qo‘shimcha qilib o‘tdi u.