O‘zbekistonda “Ta’lim to‘g‘risida”gi qonunning yangi talqini muhokamaga qo‘yildi

O‘zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi hukumat topshirig‘iga binoan tegishli vazirliklar bilan birgalikda O‘zbekiston Respublikasining “Ta’lim to‘g‘risida”gi qonunining yangi talqinini ishlab chiqib, xalq muhokamasiga qo‘ydi. Bu haqda inspeksiyaning Facebook’dagi sahifasida ma’lum qilindi.

Ma’lumot uchun, qonunning yangi tahriri yillar davomida ta’lim tizimida to‘planib kelgan kamchilik va muammolardan hamda bir qatorda xorijiy mamlakatlar tajribasining chuqur tahlili asosida shakllantirilgan.

“Ushbu hujjatni mukammal ishlab chiqilishida sizning hissangiz katta! Yuqoridagilarni inobatga olib, quyidagi so‘rovnomada faol ishtirokingizni so‘rab qolamiz.

So‘rovnoma ‘bob’larga bo‘lingan bo‘lib asosiy hujjat bilan tanishib chiqib, tegishlicha o‘zgartirishlarni taklif qilsangiz bas”, — deyiladi xabarda.

Muhokamada quyidagi manzil orqali ishtirok etish mumkin.