Ukrainada 115 ming dollarlik narkotik moddalari ushlab qolindi

Ukrainaning Dnepr shahrida xavfsizlik xizmati xodimlari yirik miqdordagi narkotik moddalar partiyasini ushlab qoldi. Bu haqda “Korrespondent.net” xabar bermoqda.

Politsiya gumondor erkakning uyida tintuv o‘tkazganida, u yerdan bir kilogrammdan ko‘proq metadon, bir litr ko‘knor konsentrati va 200 gramm “uksus kislotasi angidridi” prekursori topildi. Bundan tashqari, 32 yoshli erkak kastet ham saqlagani aniqlandi.

Topilgan narkotik moddalarining narxi 3 million grivnaga (115 ming dollar atrofida) baholanmoqda.