O‘zbekistonda bolalar uchun yangi vaksina joriy etiladi

O‘zbekistonda mavjud bo‘lgan Milliy emlash jadvaliga yangi faolligi pasaytirilgan poliomiyelit vaksinasi kiritiladi. Bu haqda UNICEF’ning  O‘zbekistondagi vakolatxonasi matbuot xizmatidan “Daryo”ga ma’lum qilindi.

Vaksina Jahon sog‘liqni saqlash tashkiloti, BMTning bolalar tashkiloti (UNICEF), O‘zbekiston Sog‘liqni saqlash vazirligi bilan hamkorlikda poliomiyelit kasalligining ildiz otishiga yo‘l qo‘ymaslik maqsadida joriy etilmoqda.

Vaksina bilan ilk marta emlash 24-aprel kuni poytaxtdagi poliklinikalardan birida o‘tkaziladi.