Gruziyada mansabdorlar uchun qora rangli avtomobillar taqiqlandi

Gruziya hukumati davlat tuzilmalariga budjet hisobidan qora rangdagi avtomobillarni sotib olishni taqiqlovchi farmonni qabul qildi, deb yozadi Tengrinews.

Hujjatda avtomobil rangining cheklanishi aytiladi — “sotib olinayotgan va har qanaqa klassga tegishli bo‘lgan avtomobil qoradan tashqari istalgan rangda bo‘lishi mumkin”, — deyiladi unda.

Farmonda qayd etilishicha, davlat budjeti hisobidan sotib olinayotgan avtomashinalarning klassi va toifasini belgilash haqidagi takliflarni tegishli idoralar qabul qiladi.

Vazirlik va idoralar 25-aprelgacha avtoparkni yangilash rejasini ko‘rib chiqish uchun hukumatga taqdim etishi kerak.