Amerika kosmoplani birinchi marta tovush to‘sig‘idan o‘tdi (video)

VSS Unity kosmoplani raketa dvigatelini yoqqan holda birinchi parvozni amalga oshirdi va tovush to‘sig‘idan o‘tdi. Bu haqda Virgin Galactic kompaniyasi xabar berdi.

14,2 kilometr balandlikdagi sinov vaqtida startdan 20 daqiqa o‘tgach, kema WhiteKnightTwo eltuvchi samolyotidan ajralgan, bir necha soniyadan keyin esa raketa dvigatelini ishga tushirgan.

30 soniya davomida ufq bo‘ylab 80 daraja burchak ostida ko‘tarilgan VSS Unity soatiga 2,3 ming kilometr tezlikka erishishga muvaffaq bo‘lgan. Shu tariqa kosmoplanning raketa dvigateli birinchi marta transtovush o‘tishi sharoitida sinab ko‘rildi.