Facebook Ramzan Qodirovning Facebook’dagi akkauntlari bloklanishiga aniqlik kiritdi

Facebook vakillari Checheniston rahbari Ramzan Qodirovning akkauntlari bloklab qo‘yilishini uning AQSh sanksiyaviy ro‘yxatlariga kiritilishi bilan izohladi. Bu haqda “Roskomnadzor” rahbari Aleksandr Jarov ma’lum qildi, deb yozadi “Gazeta.ru”.

“Bu janob Qodirovning sanksiyaviy ro‘yxatda ekanligi bilan bog‘liqligi haqida rasmiy javob keldi. Nima sababdan chora faqat Ramzan Ahmatovichga aloqador ekanligi haqidagi ikkinchi savolimizga javob olmadik”, — deydi Jarov.

Avvalroq respublika rahbari Ramzan Qodirovning akkaunti bloklanishi tufayli Checheniston parlamenti deputatlari Instagram’dagi sahifalarini o‘chirishga qaror qilgan edi.