Turkiyada dunyodagi eng katta masjid ochiladi

Muqaddas Ramazon oyida Turkiyaning Istanbul shahrida dunyodagi eng katta Chamlija masjidi ochiladi. Bu haqda “RIA Novosti” xabar berdi.

Xabar berilishicha, qurilish ishlari allaqachon yakunlangan va ayni paytda ichki bezash ishlari davom etmoqda.

Chamlija masjidi 50 ming metr kvadrat maydonni egallaydi va 50 ming kishini qabul qila oladi. Oltita minoradan to‘rttasining balandligi 107,1 metrni tashkil qiladi, qolgan ikkitasiniki esa 90 metrga teng. Masjid yonida galereya, kutubxona va konferensiya zalini o‘z ichiga oluvchi madaniyat markazi ochish rejalashtirilgan.