Tramp Kim Chen In bilan sammitda KXDRdan yil davomida yadroviy qurolsizlanishni talab qiladi

AQSh va KXDR ikki mamlakat yetakchilarining bo‘lajak sammiti kun tartibining oxirgi tafsilotlarini muvofiqlashtirmoqda. Bu haqda Vashingtondagi manbalariga tayanib, The Chosun gazetasi xabar bermoqda, deb yozadi “TASS”.

Nashrning ta’kidlashicha, Tramp KXDRdan uchrashuv o‘tkazilgandan keyingi olti oy yoki bir yil davomida yadroviy qurolsizlanishni talab qiladi. Amerika yetakchisi Pxenyan bilan yadro bitimining bosqichma-bosqich va sinxronlashtirilgan tarzda bajarilishi g‘oyasini qo‘llab-quvvatlamaydi.

O‘z navbatida, KXDR yadroviy qurolsizlanishning aynan bosqichma-bosqich rejimini talab qilmoqda. Chunki Oq uyga AQShning yangi ma’muriyati kelishi bilan KXDR bilan avvalgi kelishuv bekor qilinishi mumkinligidan xavotirlanmoqda.