Xitoylik erkakning qornidan 20 yil avval yutib yuborilgan zajigalka chiqarib olindi

Xitoyda shifokorlar bemorning qornidan 20 yil avval yutib yuborilgan yondirgichni (zajigalka) chiqarib oldi, deb xabar beradi UPI.

Operatsiya Sichuan provinsiyasining Chendu shahrida o‘tkazildi.

Shifokorlar erkakning organizmiga maxsus video kamerani kiritib, yondirgichning qayerda joylashganini izladi. Ular yondirgichni ikkinchi urinishda topishga muvaffaq bo‘lgan. Operatsiya 10 daqiqa davom etdi.

Erkak yondirgichni 20 yil avval tasodifan yutib yuborgan. Faqatgina qornida og‘riqlar boshlanganidan so‘ng shifoxonaga murojaat qilgan.