Superliga. Bugun “Paxtakor” “Metallurg” mehmoni bo‘ladi, “Buxoro” esa AGMKga qarshi maydonga tushadi

Bugun, 19-aprel sanasida futbol bo‘yicha O‘zbekiston Superligasi bahslarining 7-turi boshlanadi.

Kun taqvimidan ikki uchrashuv o‘rin olgan.

Ulardan biri Bekobodda mezbon “Metallurg” hamda Toshkentning “Paxtakor” jamoalari o‘rtasida kechadi. Uchrashuv 18:00 boshlanishi belgilangan. Bellashuv Sport-TV telekanali tomonidan jonli efirda namoyish etiladi. O‘yinni muxlislar uchun Zafar Qosimov sharhlab boradi.

Kunning ikkinchi uchrashuvi Buxoroda kechadi. Mezbon “Buxoro” jamoasi Olmaliqning AGMKsini qabul qiladi. O‘yin 20:00 dan boshlab Sport-TV telekanali tomonidan jonli efirda namoyish etiladi. Uchrashuvni Farruh Rasulov sharhlaydi.

Superliga

7-tur bellashuvlari

19-aprel, payshanba