“Katta yettilik” Rossiyaga qarshi sanksiyalarning saqlanib qolishini yoqlab chiqdi

“Katta yettilik” davlatlari “Rossiyaning Ukrainadagi nomaqbul xatti-harakatlari” tufayli kiritilgan Rossiyaga qarshi sanksiyalarning saqlab qolinishini yoqlab chiqmoqda, deb yozadi “RIA Novosti” Kanada tashqi ishlar vazirligiga tayanib.

“Vazir Friland (Kanada tashqi ishlar vaziri) va ‘katta yettilik’ning boshqa tashqi ishlar vazirlari hududiy yaxlitlik masalasi bo‘yicha xalqaro huquq me’yorlariga asoslangan jahon tartibining tarafdorlari ekanligini tasdiqladi. Ukrainadagi nomaqbul xatti-harakatlari uchun Rossiyaga nisbatan cheklov choralari saqlab qolinadi”, — deyiladi xabarda.

G7 vakillari shuningdek, Ukraina masalasida yagona pozitsiyada ekanligini bildirdi va Ukrainaga yordam ko‘rsatishga kelishib oldi.