Shavkat Mirziyoyev Afg‘oniston prezidentiga hamdardlik maktubini yo‘lladi

O‘zbekiston Prezidenti Shavkat Mirziyoyev Kobul va Puli-Xumri shaharlarida sodir etilgan terrorchilik harakatlari oqibatida ko‘plab insonlar halok bo‘lgani munosabati bilan Afg‘oniston prezidenti Muhammad Ashraf G‘aniga maktub yo‘llab, Afg‘oniston xalqi, marhumlarning oila a’zolari va yaqinlariga hamdardlik bildirdi. Bu haqda Prezident matbuot xizmati xabar berdi.

22-aprel kuni Kobuldagi saylovchilarni ro‘yxatga olish markazi yaqinida terrorchi xudkush kamarini ishga tushirgan. Ma’lumotlarga ko‘ra, terakt oqibatida 57 kishi halok bo‘lgan va 100 dan ortiq kishi jarohat olgan.