1-mayda Samarqandga Rossiyadan jo‘nagan “Pobeda” avtomobillari yetib keladi

1-may kuni Samarqandga Rossiyaning Nijnevartovskidan jo‘nagan “Pobeda” raritet avtomobillari avtokarvoni O‘zbekistonga yetib keladi, deb xabar beradi “Zarafshon” gazetasi.

23-aprel kuni “Nijnevartovsk—Samarqand” yo‘nalishi bo‘yicha harakatlanayotgan “Pobeda — odna na vsex” (“G‘alaba — barcha uchun bitta”) avtokarvoni Ostonaga yetib kelgan.

“Pobeda” rusumidagi beshta avtomobil 17-aprelda Samarqand tomon yo‘l olgan. Ular 1-mayda qadimiy shaharga yetib kelishi kutilmoqda. Ushbu tadbir Rossiyaning Xanti-Mansiysk avtonom okrugi Dumasi qoshidagi Yoshlar parlamenti tomonidan tashkillashtirilgan. Mashinalar Rossiya, Qozog‘iston, Qirg‘iziston hamda O‘zbekiston shaharlaridan o‘tadi.

Avtokarvon, shuningdek, Toshkentda ham bo‘ladi. Samarqandga yetib kelgach, avtomobilchilar yana Nijnevartovskka qaytadi.