Nigeriyada jangarilarning xristian cherkoviga uyushtirgan hujumi oqibatida 19 kishi halok bo‘ldi

24-aprel kuni Nigeriya janubi-sharqidagi Benue shtatida joylashgan Ayar Mbalom qishlog‘iga uyushtirilgan hujum oqibatida 19 kishi halok bo‘ldi. Bu haqda “TASS” xabar bermoqda.

Hujum katolik cherkoviga uyushtirildi. Halok bo‘lganlarning ikki nafari cherkov rohiblari, qolganlar esa ularning cherkovi jamoasidir.

Ta’kidlanishicha, jangarilar ibodat payti cherkovga bostirib kirib, bu yerda to‘plangan jamoani o‘qqa tutgan. Ko‘plab odamlar yaralangan.

Bundan tashqari, jinoyatchilar 35 ta uyni talon-toroj qildi.