Qohiradagi koptlar cherkoviga hujum uyushtirildi. 9 kishi halok bo‘ldi, 10 kishi jarohat oldi

Qohira yaqinidagi Mar-Mina koptlar cherkoviga uyushtirilgan hujum oqibatida 9 kishi halok bo‘ldi, 10 kishi jarohat oldi. Bu haqda EADaily xabar bermoqda.

Hujumda 5 nafar terrorchi ishtirok etgani bildirilmoqda. 10 daqiqa atrofida davom etgan otishmada ibodatxonani qo‘riqlayotgan 4 politsiyachi va 5 fuqaro halok bo‘ldi.

Hujum qilganlardan 3 nafari yo‘q qilindi. Hodisa joyiga kelgan sapyorlar jangarilardan birining jasadidagi portlovchi qurilmani zararsizlantirdi.

Hozirda cherkov atrofi qurshab olingan. Misr IIV ekstremistlarning sheriklari bo‘lishi mumkinligini taxmin qilmoqda.