Samarqandda Oliy Majlis Senati a’zosi saylandi

4-fevral kuni Samarqand shahrida davlat hokimiyati vakillik organlari deputatlarining bo‘shab qolgan o‘ringa Oliy Majlis Senati a’zosi saylovi bo‘yicha qo‘shma majlisi bo‘lib o‘tdi. Bu haqda Markaziy saylov komissiyasi xabar berdi.

Yashirin ovoz berish yo‘li bilan o‘tkazilgan saylov natijalariga ko‘ra xalq deputatlari viloyat Kengashi deputati, Samarqand viloyati hokimi Himmat Oqbo‘tayev Oliy Majlis Senati a’zosi etib saylandi.

Qo‘shma majlisda xalq deputatlari viloyat, tuman va shahar Kengashlarining deputatlari, Markaziy saylov komissiyasi va ommaviy axborot vositalari vakillari ishtirok etdi.