Asabiylashishga qarshi dorilarning uzoq vaqt qabul qilinishining zararli tomonlari ma’lum qilindi

Asabiylashishga qarshi dori vositalarining uzoq vaqt qabul qilinishi aqli pastlik rivojlanishi xavfini oshiradi. Sharqiy Angliya va Aston universiteti olimlari shunday xulosaga keldi, deb yozmoqda “RIA Novosti”.

Olimlar 65 yoshdan oshgan 40 mingdan ortiq bemorning tibbiy ma’lumotlarini o‘rganib chiqqan. Ularga 2006-yildan 2015-yilgacha bo‘lgan davrda aqli pastlik tashxisi qo‘yilgan. Ularning ma’lumotlari hech qachon bunday kasallik alomatlaridan aziyat chekmagan 283 mingdan ortiq kishining ma’lumotlari bilan solishtirilgan.

Ma’lum bo‘lishicha, antixolinegik vositalarni qabul qilgan ba’zi bemorlarda aqli pastlik bilan og‘rish xavfi 30 foizga o‘sgan. Antidepressantlar bilan esa bu ko‘rsatkich 18 foizga teng bo‘lgan.