Afg‘onistonda qor ko‘chkisi qurbonlari soni 100 kishidan oshdi

Afg‘onistonning turli viloyatlarida qor ko‘chishi oqibatida qurbon bo‘lganlarning umumiy soni 100 kishidan oshdi, deya xabar bermoqda “TASS”. Qishloqlardan birida yana 50 kishining jasadi topilgach, halok bo‘lganlar soni keskin oshib ketdi.

“Qor ko‘chishi oqibatida Bargmatal tumanidagi ikkita qishloq to‘liq qor ostida qoldi. Ulardan birida 50 kishining jasadi aniqlandi. Qutqaruvchilar ikkinchi qishloqqa ham yetib borishga urinmoqda”, — dedi respublika hukumatining rasmiy vakili Muhammad Umar Muhammadiy.

Hukumat qurbonlar soni yanada ortishi mumkinligini ma’lum qildi. Tabiiy ofat natijasida 168 ta uy vayron bo‘ldi, yuzlab bosh yirik shoxli qoramol nobud bo‘ldi.