Namanganda Shavkat Mirziyoyev raisligida viloyat faollarining videoselektor yig‘ilishi boshlandi

Namangan viloyatining Norin tumani hokimligida Prezident Shavkat Mirziyoyev raisligida viloyat faollarining videoselektor yig‘ilishi boshlandi. Bu haqda “Daryo” muxbiri xabar bermoqda.

Yig‘ilishda respublikadan kelgan mutasaddilar, viloyat mas’ullari ishtirok etmoqda. Namangan shahri va tumanlar hokimliklarida to‘plangan faollar ham videoselektorda qatnashmoqda.

Davlat rahbari o‘z chiqishida qo‘shni davlatlar bilan aloqalar tobora mustahkamlanib borayotganiga urg‘u qaratdi. Viloyat iqtisodiyotini yuqsaltirish, yangi ish o‘rinlarini yaratish, fuqarolarning hayotdan mamnunligiga erishish asosiy vazifa sifatida qo‘yilmoqda. Namanganda “Obod qishloq” dasturining bajarilishi, qishloq xo‘jaligida klaster usulini joriy etish masalalariga e’tibor qaratilmoqda.

Yig‘ilish davom etmoqda.